ᓄᓇᑖᕈᑏᑦ

ᐊᒥᓱᒻᒪᕆᐅᒻᒪᑕ ᐃᓄᐃᑦ ᓄᓇᖁᑎᖏᑦ ᓄᓇᕗᒥ. ᑭᓯᐊᓂᓕ, ᑭᓪᓕᖃᕐᓂᖏᑦ ᓇᓗᓇᐃᒃᑯᓯᖅᓯᒪᕙᙱᑦᑐᑦ. ᐳᓛᕆᐊᖅᑐᑦ ᓇᒻᒥᓂᖅ ᐃᓕᓐᓂᐊᖅᑎᒋᐊᓖᑦ ᖃᓄᐃᓕᐅᕐᕕᒋᒋᐊᖃᙱᑕᒥᓂᒃ ᓄᓇᓄᑦ ᐃᓚᖏᓐᓄᑦ ᐅᐸᒍᒪᔭᖏᓐᓄᑦ. ᐃᓄᐃᑦ ᐊᑐᓂᑦ ᐊᒻᒪᓗ ᑮᓇᐅᔭᓕᐅᕋᓱᐊᖅᑐᑦ, ᐅᕝᕙᓘᓐᓂᑦ ᑭᒃᑯᑐᐃᓐᓇᐃᑦ ᐃᓄᐃᑦ ᓄᓇᖁᑎᖏᓐᓂ ᖃᓄᐃᓕᐅᖅᑐᑦ ᐊᖏᖅᑕᐅᔭᕆᐊᖃᕐᒪᑕ ᐊᕕᑦᑐᖅᓯᒪᔪᓂᑦ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᐊᒻᒪᓗ/ᐅᕝᕙᓘᓐᓃᑦ ᕼᐊᒻᓚᒃᑯᑦ ᐊᓪᓚᕝᕕᖓᓄᑦ (ᑕᑯᓂᐊᕐᓗᒋᑦ ᕼᐊᒻᓚᒃᑯᑦ ᐅᖄᓚᐅᑎᖏᑦ ᓄᓇᓖᑦ ᖃᐅᔨᒋᐊᕐᕕᐅᒍᓐᓇᕈᑎᖏᓐᓂᑦ).

ᖃᐅᔨᒋᐊᕐᕕᒋᓗᒋᑦ ᐃᓄᐃᑦ ᓄᓇᖏᑕ ᐊᐅᓚᑦᑎᕕᖓ ᓄᓇᖏᓐᓅᕈᓐᓇᑎᑖᕈᓐᓇᖁᓪᓗᑎᑦ ᐃᓚᖏᓐᓄᑦ.

ᕿᑎᕐᒥᐅᑦ ᐊᓪᓚᕝᕕᖓ
(867) 982-3310
ᑭᒡᒐᖅᑐᐃᔪᑦ ᕿᙵᐅᑦ, ᐃᖃᓗᒃᑑᑦᓯᐊᖅ, ᐅᖅᓱᖅᑑᖅ, ᑯᒑᕐᔪᒃ, ᖁᕐᓗᖅᑑᖅ, ᑕᓗᕐᔪᐊᖅ, ᐅᒥᖕᒪᒃᑑᖅ. 

ᑭᕙᓪᓕᕐᒥ ᐊᓪᓚᕝᕕᖓ
(867) 645-2810
ᑭᒡᒐᖅᑐᐅᔪᑦ ᐊᕐᕕᐊᑦ, ᖃᒪᓂ’ᑐᐊᖅ, ᐃᒡᓗᓕᒑᕐᔪᒃ, ᓴᓪᓖᑦ, ᑲᖏᖅᖠᓂᖅ, ᓇᐅᔮᑦ, ᑎᑭᕋᕐᔪᐊᖅ. 


ᕿᑭᖅᑖᓗᒻᒥ ᐊᓪᓚᕝᕕᖓ
(867) 979-5391 ᐊᑭᖃᙱᑦᑐᖅ 1-800-220-6581ᑭᒡᒐᖅᑐᐃᔪᑦ ᐃᒃᐱᐊᕐᔪᒃ, ᑭᙵᐃᑦ, ᑲᖏᖅᑐᒑᐱᒃ, ᖃᐅᓱᐃᑦᑐᖅ, ᓴᓂᕋᔭᒃ, ᐃᒡᓗᓕᒃ, ᐃᖃᓗᐃᑦ, ᑭᒻᒥᕈᑦ, ᐸᖕᓂᖅᑑᖅ, ᒥᑦᑎᒪᑕᓕᒃ, ᕿᑭᖅᑕᕐᔪᐊᖅ, ᖃᐅᓱᐃᑦᑐᖅ, ᓴᓂᑭᓗᐊᖅ