ᓄᓇᕘᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖓᑕ ᒥᒃᓵᓅᖓᔪᑦ

ᓄᓇᕘᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖓ ᑕᕐᕆᔮᒃᓴᓕᐅᕐᓂᕐᒧᑦ ᑎᒥᐅᕗᖅ ᐊᒻᒪᓗ ᑮᓇᐅᔭᖃᖅᑎᑦᑎᓲᑦ ᐊᐃᑦᑑᓯᐊᒃᓴᓂᑦ ᑭᒡᒐᖅᑐᐃᔨᐅᓪᓗᑎᑦ ᓄᓇᕗᒧᑦ ᐊᒻᒪᓗ ᑲᒪᓲᖅ ᐱᕙᓪᓕᐊᒍᑎᖃᖅᑎᑦᑎᒋᐊᖅᑐᓂ ᑕᑯᓐᓇᕋᒃᓴᓕᕆᔪᖃᓕᕆᐊᖁᓪᓗᒍ, ᑕᓚᕖᓴᓕᕆᓂᕐᒥᓗ ᐊᒻᒪᓗ ᖃᕋᓴᐅᔭᒃᑯᑦ ᑕᑯᓐᓇᕋᒃᓴᓕᐅᖅᐸᑦᑐᓂᑦ ᓄᓇᕗᒥ.

ᑕᒫᓃᑉᐳᒍᑦ ᐃᒪᓐᓇᐃᓕᐅᕋᓱᐊᖅᑐᑕ:

  • ᐱᕈᖅᐸᓪᓕᐊᑎᓪᓗᒋ ᒪᑭᒪᒐᒃᓴᐅᑎᓪᓗᒋᓪᓗ ᓄᓇᖃᖅᑳᖅᓯᒪᔪᑦ ᑕᕐᕆᔮᒃᓴᓕᐊᖏᑦ, ᑕᓚᕖᓴᒃᑰᖅᑐᒃᓴᓕᐊᖏᑦ ᖃᕋᓴᐅᔭᒃᑯᓪᓗ ᑕᑯᓐᓇᕋᒃᓴᓕᐊᖏᑦ ᐱᓕᒻᒪᒃᓴᐃᑎᑦᑎᒋᐊᕈᓐᓇᑎᑦᑎᓪᓗᑕ ᐃᖅᑲᓇᐃᔭᕐᕖᑦ ᐃᖅᑲᓇᐃᔭᖅᑎᖏᓐᓂᑦ ᐱᕙᓪᓕᐊᑎᑦᑎᓂᖏᑎᒍᑦ, ᐃᓕᓴᐃᖃᖅᑎᑦᑎᓂᖏᑎᒍᑦ, ᑕᑯᓐᓇᕋᒃᓴᓕᐅᖃᑎᒌᑦᑎᑦᑎᓂᒃᑯᑦ ᐊᒻᒪᓗ ᐊᔾᔨᐅᙱᑦᑐᓂᑦ ᐱᓕᕆᐊᖃᓲᓂᑦ ᐃᑲᔪᖅᑐᑕ.
  • ᐋᖅᑭᒃᑕᐅᓯᒪᓪᓗᓂ ᐋᖅᑭᐅᒪᑎᑕᐅᓪᓗᓂᓗ ᑮᓇᐅᔭᖅᑎᒍᑦ ᐊᐃᑦᑑᓯᐊᒃᓴᓂᑦ ᐱᓕᕆᐊᓕᒃ, ᐱᖃᓯᐅᔾᔨᔪᖅ ᐃᖅᑲᓇᐃᔭᕐᕖᑦ ᐅᑎᖅᑎᑦᑎᕕᐅᓂᖏᑦ ᐱᓕᕆᐊᖅ, ᐃᑲᔪᖅᑐᑦ ᑕᑯᓐᓇᕋᒃᓴᓕᕆᕙᒃᑐᓂᑦ ᐱᓕᕆᐊᖃᒃᑲᓐᓂᕈᓐᓇᖁᓪᓗᒋᑦ ᑕᑯᓐᓇᕋᒃᓴᓕᐅᕐᓂᕐᒥᒃ ᓄᓇᕗᒥ.
  • ᓇᒻᒥᓂᖃᖅᑐᑦ ᐱᓕᕆᖃᑎᒌᒋᐊᙵᖅᑎᓲᕆᓪᓗᑎᒍᑦ ᑲᒻᐸᓂᐅᔪᑦ ᐃᓄᐃᓪᓗ ᐊᑐᓂᑦ ᑕᑯᓐᓇᕋᒃᓴᓕᕆᓂᕐᒥᒃ.

  • ᑕᑯᓐᓇᕋᒃᓴᓕᕆᓂᕐᒧᑦ ᓇᒥᓗ ᑕᕐᕆᔮᒃᓴᓕᐅᕐᓂᕐᒧᑦ ᐃᑲᔪᖅᑐᑕ ᐱᔨᑦᑎᕋᓲᖑᓪᓗᑕ, ᐱᖃᓯᐅᑎᓪᓗᒋᑦ ᑐᑭᓯᒋᐊᖅᑎᑎᓪᓗᑕ ᐃᑲᔪᖅᑐᐃᓪᓗᑕᓗ.

ᓄᓇᕘᒥ ᑕᑯᓐᓇᕋᒃᓴᓕᐅᖅᑏᑦ ᑎᒥᖓ ᖃᑭᒍᑎᒃᓴᓕᐅᙱᑦᑐᓂ ᑎᒥᐅᕗᖅ ᐊᐅᓚᑕᐅᔪᖅ ᑲᑎᒪᔨᓄᑦ ᐊᔪᙱᑕᖏᑦ ᐋᖅᑭᒃᓱᐃᒍᑕᐅᓕᓲᑦ ᑐᑭᒧᐊᑦᑎᑦᑎᓲᖑᓪᓗᑎᓪᓗ ᐊᐅᓚᑕᐅᓂᖓᓂᒃ ᑲᑐᔾᔨᖃᑎᒌᖑᔪᑉ.