ᒥᔅᓵᓄᑦ

ᒥᔅᓵᓄᑦ

ᓄᓇᕗᒻᒥ ᑕᕐᕆᔮᔅᓴᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ (NFDC) ᑮᓇᐅᔭᖃᖅᑎᑦᑎᓲᑭᑦ, ᐃᓕᓐᓂᐊᑎᑦᑎᓪᓗᑎ ᐊᒻᒪ ᑕᕐᕆᔭᓕᕆᓂᕐᒧᑦ ᐱᔨᑦᑎᖅᑕᓂᑦ ᓄᓇᕗᒻᒥ. ᑲᒪᒋᔭᖃᖅᑐᖅ ᐱᕈᖅᐸᓪᓕᐊᑎᓪᓗᒍ ᐊᒻᒪ ᓴᖅᑭᔮᖅᑎᓪᓗᒍ ᐱᕙᓪᓕᐊᓂᖓ ᐊᒻᒪ ᐱᕈᕐᓂᖓ ᑕᕐᕆᔭᓂᑦ, ᑕᓚᕖᓴᒃᑯᑦ ᐊᒻᒪ ᖃᕋᓴᐅᔭᒃᑯᑦ ᓄᓇᕗᒻᒥ. ᓄᓇᕗᒻᒥ ᑕᕐᕆᔮᔅᓴᓕᕆᓂᕐᒧᑦ ᐱᕙᓪᓕᐊᑎᑦᑎᓂᕐᒧᑦ ᑯᐊᐳᕇᓴᓐ ᑮᓇᐅᔭᓕᐅᕋᓱᐊᕐᓇᓂ ᑲᑐᔾᔨᖃᑎᒌᖑᔪᖅ ᐊᐅᓚᑕᐅᔪᖅ ᑲᑎᒪᔨᓄᑦ ᖃᐅᔨᒪᓂᖃᑦᑎᐊᖅᑐᓂᑦ ᖃᓄᐃᓕᖓᓂᖓᓂ ᐊᒻᒪ ᑐᑭᒧᐊᖅᑎᑎᓪᓗᑎ ᐱᓕᕆᔭᓕᒫᓂᑦ.

ᑐᕌᒐᕆᔭᖓ:

  • ᓴᓐᖓᑎᓪᓗᒍ ᐊᒻᒪ ᒪᑭᒪᑎᓪᓗᒍ ᓄᓇᕗᒻᒥ ᑕᕐᕆᔭᓕᕆᓂᕐᒥ, ᑕᓚᕖᓴᒃᑯᑦ ᐊᒻᒪ ᖃᕋᓴᐅᔭᒃᑯᑦ ᐃᓕᓐᓂᐊᑎᑦᑎᓂᕐᒧᑦ ᐱᕕᔅᓴᖃᖅᑎᑎᓪᓗᑎ ᐱᕙᓪᓕᐊᑎᑦᑎᓂᒃᑯᑦ, ᐃᓕᓐᓂᐊᑎᑦᑎᓂᒃᑯᑦ, ᑕᕐᕆᔭᓕᐅᖃᑎᑦᑎᑦᑎᓂᒃᑯᑦ, ᐊᒻᒪ ᐊᔾᔨᐅᖏᑦᑐᓄᑦ ᐱᓕᕆᐊᓄᑦ.
  • ᐊᑐᓕᖅᑎᑦᑎᓗᓂ ᐊᒻᒪ ᒪᑭᒪᑎᑦᑎᓗᓂ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᐊᒥᑦ ᐃᑲᔪᖅᑐᓂ ᑕᕐᕆᔭᓕᕆᓂᕐᒥᑦ ᐊᖏᓪᓕᒋᐊᖅᑎᑦᑎᓗᑎ ᐱᔪᓐᓇᕐᓂᕆᔭᖏᓐᓂ ᓴᖅᑭᑎᑦᑎᓗᑎ ᐱᓕᕆᐊᓂᑦ ᓄᓇᕗᒻᒥ.
  • ᐱᕈᖅᑎᓪᓗᒍ ᐱᕙᓪᓕᐊᑎᑕᐅᓂᖓ ᓇᒻᒥᓂᖃᖅᑐᓂᑦ ᐱᓕᕆᖃᑎᖃᓂᕐᒥᑦ ᑎᒥᐅᔪᓂᑦ ᐊᒻᒪ ᐃᒻᒥᑰᖅᑐᓂᑦ ᐃᓄᓐᓂᑦ ᓇᓗᓇᐃᖅᓯᒪᔪᓂᑦ ᑕᕐᕆᔭᓕᕆᓂᕐᒥᑦ.
  • ᐱᑕᖃᖅᑎᑦᑎᓗᑎ ᑕᕐᕆᔭᓕᐅᕐᕕᒻᒥ ᐊᒻᒪ ᓇᒦᓐᓂᖏᓐᓄᑦ ᐱᔨᑦᑎᕋᐅᑎᓂᑦ, ᐱᖃᓯᐅᑎᓪᓗᑎ ᑐᑭᓯᒋᐊᕈᑏᑦ ᐊᒻᒪ ᐃᑲᔪᖅᑕᐅᓂᕐᒧᑦ.